الاتقان اسلام آباد اپنی موجودہ تعلیمی و تحقیقی سرگرمیوں کے ساتھ ساتھ مستقبل میں نئے علمی و فکری شعبہ جات کے قیام کا عزم رکھتا ہے۔ مقصد یہ ہے کہ طلبہ صرف ایک ہی میدان تک محدود نہ رہیں بلکہ مختلف علوم میں مہارت حاصل کریں اور عملی میدان میں مؤثر کردار ادا کرسکیں ۔
مستقبل کے تعلیمی منصوبے
اس سلسلے میں ادارہ درج ذیل علمی و تحقیقی تخصصات کے آغاز کا ارادہ رکھتا ہے:
- تخصص فی علوم الحدیث: طلبہ کو احادیث کی تحقیق، تخریج اور فہم میں مہارت دی جائے گی۔
- تخصص فی الدعوۃ والارشاد: خطابت، تقریر اور جدید دعوتی اسالیب کی تربیت۔
- تخصص فی علم الکلام: عقلی و نقلی دلائل کے ساتھ جدید فکری چیلنجز کا مقابلہ۔
- تخصص فی السیرۃ النبویۃ: سیرتِ نبوی ﷺ کا عمیق مطالعہ اور عملی تقاضے۔
- تربیۃ المعلمین: تدریسی صلاحیتوں اور جدید تدریسی مہارتوں میں نکھار۔
- تربیۃ الائمۃ والخطباء: ائمہ و خطباء کی علمی، اخلاقی و فکری تربیت۔
مستقبل کے تعمیری منصوبے
ادارہ نصابی اور تدریسی سرگرمیوں کے علاوہ ایک جامع تعلیمی ماحول قائم کرنے کا خواہاں ہے۔ منصوبے:
- مرکزی مسجد: اجتماعی عبادات اور روحانی تربیت کے لیے۔
- قرآن ہال: اجتماعی تلاوت، مجالس اور محافل کے لیے۔
- طلبہ ہاسٹل: آرام دہ رہائش گاہ۔
- درسگاہیں: جدید تقاضوں کے مطابق تدریسی کمروں کی تعمیر۔
- لائبریری: روایتی و جدید کتب اور ڈیجیٹل وسائل کا جامع ذخیرہ۔
- کمپیوٹر لیب: دارالافتاء کے طلبہ کے لیے ڈیجیٹل سہولت۔
- آن لائن دارالافتاء: عوام اور طلبہ کے لیے براہِ راست شرعی رہنمائی۔
یہ تمام منصوبے ادارے کی آئندہ ترقی کی سمت کا حصہ ہیں۔ فی الحال جگہ اور وسائل کی کمی کے باعث ان پر عملی کام شروع نہیں ہو سکا، لیکن ادارہ ان کے قیام کے لیے بھرپور کوشش کر رہا ہے اور مستقبل قریب میں ان کا آغاز متوقع ہے۔